Вакцинованє вироятно будзе обовязне

автор сен
832 Опатрене

СЕРБИЯ – З наявенима вименками Закона о защити гражданох од оберацих хоротох и ускладзованє зоз Законом о правох пациєнтох, за вакцинованє дзецка убудуце нє будзе потребни подпис родителя, лєбо старателя. Єдна з главних причинох за предвидзене обовязне вакцинованє то вше менше число вакцинованих дзецох.

Одбор за здравє и фамелию Скупштини Сербиї одлучел и до Министерства здравя послал Предог же би ше запровадзовало обовязне вакцинованє пациєнтох, и без їх приставаня, односно приставаня родичох. Предложене же би ше вакцинованє преложело, лєбо анї нє окончело, лєм кед за то постоя медицински причини, преноши Танюґ.

Державни секретар за здравство Берислав Векич гварел же за остатнї два роки вакцинованє з ММР вакцину барз опадло, а попри тим, мали и процент вакцинованих од хепатитису Б.

На наяви вименкох Закона родичи реаґовали з протестами, та ше вчера у Беоґрадзе, на Площи Николи Пашича, зишли коло 200 людзе з дзецми и вимагали же би вакцинованє нє було обовязне. Ґу тому, Гражданска инициятива за нєобовязне вакцинованє вимага и же би ше принєсло нови закон, хтори би допущовал шлєбоду одлучованя о вакцинованю.

 8-Vakcina-02

ПОВЯЗАНИ ТЕКСТИ