СЕРБИЯ – За вакцинованє убудуце нє будзе потребна писана согласносц пациєнта, односно законского заступнїка дзецка, одлучели посланїки Скупштини Сербиї, котри вчера, 17. априла, вигласали вименки Закона о защити гражданох од оберацих хоротох. Закон предложели 234-еро посланїки Скупштини, преноши Бета.
Вименки Закона дали векши права фаховцом, та о тим чи дзецку пре даяки причини вакцинованє будзе преложене, лєбо анї нє окончене, буду одлучовац лїкаре.