НОВИ САД – Пре промоцию Нового Саду за Европску престолнїцу култури 2021. року, Новосадянє планую поставиц Ґинисов рекорд, так же 4. октобра направя найвекше коло на швеце. У колє ше будзе танцовац „Ужицке коло“, „Катанка“ и „Вельке бачке коло“, а танцовац буду члени 240 културно-уметнїцких дружтвох, медзи нїма и, за тераз, 12-еро члени Руского културного центру Нови Сад.
Орґанизаторе Велького кола у Новим Садзе Здруженє „Вельке коло“, а його директор Милан Веселинович гварел за Танюґ же ше приявели танєчнїки з цалей Сербиї, Македониї, Горватскей, Босни и Герцеґовини, Мадярскей и з других державох. Танєчнїки буду облєчени до своїх народних облєчивох, же би ше приказало богатство розличносцох у Новим Садзе.
За танцованє у Вельким колє можу ше приявиц и поєдинци, найпознєйше по 20. авґуст, а орґанизаторе планую же у колє будзе коло 12 000 танєчнїкох.