СЕРБИЯ – Кед би тераз бул отримани референдум з питаньом „Чи потримуєце намаганє же би Сербия постала членїца Европскей униї?“, 49 одсто гражданох би гварели „гей“, а „процив” би були 28 одсто, указало виглєдованє хторе запровадзела Канцелария за европски интеґрациї Влади Сербиї.
Процент гражданох хтори потримую европски интеґрациї за пейц одсто векши у одношеню на предходне виглєдованє, окончене у децембру 2014. року. Обачиц же у децемберским виглєдованю було вецей стриманих и нєопредзелєних, понеже теди 25 одсто гражданох гварели же би ше вияшнєли процив членства у ЕУ, а 44 одсто би потримали членство.
Як сообщела Канцелария за европски интеґрациї, потримовка реформом остатнї роки барз висока, а значне число гражданох потримує диялоґ Беоґраду и Приштини о нормализованю одношеньох.