Жени вше познєйше оставаю ваготни

автор днв/сен
775 Опатрене

БЕОҐРАД – Прешлого року у Сербиї народзени 65 462 беби, а з того числа 16 529 у Войводини. У Сербиї вше менши процент фертилитету, а жени родза дзеци у вше познєйших рокох, та так перше дзецко жена народзи на штреднє 27,7 роки, указую податки Институту за явне здравє Сербиї „Др Милан Йованович Батут“.

Найвецей жени котри ше породзели мали од 20 до 29 роки, потим котри маю медзи 30 и 39 роки, а найменєй єст малолїтни мацери.

У Войводини найвекше число народзених бебох було у Южнобачким округу – 7 256 беби, а найменй було у Заходнобачким округу – народзена 1 021 беба.

Спомедзи 16 413 бебох котри народзени живи, компликациї було при 4 980 породох, а вони були найчастейши при мацерох котри маю од 30 до 39 роки.

ПОВЯЗАНИ ТЕКСТИ