БЕОҐРАД – Министерка будовательства, транспорту и инфраструктури Зорана Михайлович, директор Републичного ґеодетского заводу (РҐЗ) Борко Драшкович и представителє трох репрезентативних синдикатох РҐЗ вовторок, 22. децембра подписали Спорозуменє з хторим закончени штрайк у катастрох.
Спорозуменє предвидзує же Правилнїк о нукашнєй орґанизациї и систематизациї роботних местох у РҐЗ будзе поробени после як роботна ґрупа направи предкладанє за реформованє катастру.
Рационализованє роботних местох ше будзе запровадзовац лєм на основи добрей дзеки и усоглашених критериюмох зоз синдикатами, пише у Спорозуменю.