СЕРБИЯ/РУСКИ КЕРЕСТУР – Представителє штирох репрезентативних синдикатох просвитних роботнїкох нєшка орґанизую штрайк спозореня у школох у Сербиї, та так и у Школи „Петро Кузмяк” у Керестуре нє буду отримани перши годзини у дополадньовей и пополадньовей змени.
Репрезентативни синдикати нєзадовольни же Влада Сербиї нє почитує обецунки хтори дала просвитним роботнїком, медзи иншим, о приношеню закона о платних класох.
Пейцмешачни штрайк просвитних роботнїкох у прешлим школским року закончени з подписованьом спорозуменя з Владу Сербиї, у хторим ше Влада обовязала же занятим у образованю до конца 2015. року виплаци помоц у висини до єдней штреднєй мешачней плаци, як и же ше платни класи почнє применьовац од 1. януара 2016. року.