РУСКИ КЕРЕСТУР – У керестурскей Здравственей амбуланти достали 360 дози вакцини процив сезонскей ґрипи и за тидзень уж вакциновани сто особи, дознава Рутенпрес од руководительки Амбуланти др Златани Надь.
Як гварела др Надьова, за вакцину ше найвецей опредзелюю старши и хронїчно хори особи, та котри робя на роботох дзе су виложенши вирусом, алє вакцину можу прияц шицки заинтересовани Керестурци.
Пред приманьом вакцини перше ше треба явиц лїкарови общей пракси, а понеже у валалє тераз робилєм єден лїкар, то роботнима днями мож окончиц од 9 до 16,30 годзин.