Мож придац вимогу за рефундованє ПДВ-у на опрему за беби

автор сен
993 Опатрене

СЕРБИЯ – Родичи дзецох по єден рок старосци од 1. по 15. фебруара можу придац вимогу за рефундованє порциї на додатну вредносц (ПДВ) за опрему и єдзенє за беби. Вимогу мож придац за артикли купени од 1. януара по 31. децембер 2015. року, сообщене на сайту „Бебац”.

Рефундованє за ПДВ ше достава за млєко за беби, кашочки, посцелки, кочики, карсцель за карменє, шедзиско до авта и пелюхи.

Од документациї треба придац вимогу за рефундованє и уписац подношительово, супружнїково и дзецково єдинствене матичне число граждана (ЈМБГ), з хторого ше достаню шицки потребни податки о державянстве, приходох и подобне. Понеже нє постої база податкох о старательох, старатель котри витворює право на рефундованє муши придац и документ о старательстве.

З вимогу треба придац фискални рахунки, а понеже вони з часом виблядню, совитоване же би ше их такой по доставаню фотокопировало.

Право на рефундованє маю старателє чийо рочни применя нє векши од 997 799,04 динари и котри нє маю нєрухомосц вреднєйшу як 24 милиони 321 351,60 динари.

ПОВЯЗАНИ ТЕКСТИ