НОВИ САД – Националне здруженє родичох дзецох охорених од рака вчера на Площи шлєбоди у Новим Садзе символично означело Шветови дзень дзецох хорих од рака. На акциї присуствовали числени Новосадянє, а отримана є под покровительством Министерства здравя Републики Сербиї.
Як з тей нагоди поведзене, унапредзенє лїченя дзецох хорих од рака заинтересовани з цалей Сербиї можу помогнуц з посиланьом СМС поруки на число 1150, а цена поруки 100 динари за шицки мрежи.
У Сербиї од рака до рока охоря штреднє 350-еро дзеци, а вчерайши Медзинародни дзень у нас ше означує од 2013. року.
Подобни манифестациї вчера орґанизовани и у велї других городох у Сербиї.