Нєшка Шветови дзень родичох

автор ртв/зам
857 Опатрене

НОВИ САД – Нєшка, 1. юния, Медзинародни дзень родичох, запровадзени 2012. року з резолуцию Зєдинєних нацийох (ЗН) пре подзековносц шицким родичом ширцом швета за їх пошвеценосц дзецом и старосц о нїх.

З резолуцию ше до першого плану поставя одрастанє дзецка у фамелиї у хторей ше пестую любов и порозуменє нєобходне за гармонични розвой дзецка.

Конвенция ЗН о правох дзецка обовязує держави-членїци же би почитовали одвичательносц, права и длужносци родичох, а длужни су и, у согласносци з условиями и можлївосцами, давац материялну помоц и други мири потримовки родичом/старательом/особом котри одвичательни за дзецко.

Попри шицких законских и стратеґийних мирох хтори держава пребера, вельке число фамелийох зочене з подлу материялну и социялну ситуацию, а велї ше боря за преживйованє. Медзи найзагроженшима фамелиї у хторих лєм єден родитель и фамелиї з векшим числом дзецох.

Покраїнски омбудсман думаня же мири хтори держава и институциї пребераю потребни, алє нєдостаточни и же би вецей активносци и мири потримовки требало унапрямиц на змоцньованє природней фамелиї и змоцньованє родичох. Апелує ше и на шицки уровнї власци же би обезпечели пенєжи у буджетох за потримовку фамелийом и дзецом и же би окремну увагу унапрямели на потримовку психосоциялних програмох и школох за родичох.

ПОВЯЗАНИ ТЕКСТИ