ДЮРДЬОВ – За школярох зоз Основней школи „Йован Йованович Змай” з Дюрдьова вчера, 22. априла, почал пробни Закончуюци испит. Буду го робиц 63 школяре зоз штирох оддзелєньох осмих класох, з тим же двойо школяре тест покладаю по ИОП програми, односно по Индивидуалней образовней програми.
Закончуюци испит, як и шицки школяре, покладаю он-лайн, маю вибор кеди буду робиц тести у периодзе од 8 рано по 20 годзин вечар, алє за ришованє теста маю годзину.
Школяре вчера покладали пробни закончуюци испит зоз мацеринского язика, 59 школяре покладаю зоз сербского, а 4 зоз руского язика. Нєшка, 23. априла, шицки покладаю тест зоз математики, а наютре, 24. априла, комбиновани зоз пейцох предметох.