ВЕРБАС – Тих дньох закончена остатня, пията фаза вибудови канализацийного колектору хтори поваязує Кулу и Вербас, з чим ше обезпечи минималне количество одрутних водох за роботу Централного построєня за преробок одрутних водох.
За оконченє роботох видвоєни 106 милиони динари, а з тей нагоди у Кули орґанизоване примопридаванє закончених инфраструктурних обєктох медзи виводзачом роботох – Будовательним подприємством „Ґрадитель НС” з Нового Саду и Министерством польопривреди, водопривреди и защити животного штредку, хторе було финансиєр роботох.
Як визначел член Єдинки за применьованє проєкту вибудови Централного построєня за општини Вербас и Кула Миленко Радованов, роботи ше одноша на вибудов коло 2 600 метери колектору з два черпаци станїци, з чим будзе оможлївене зазберованє и транспорт одрутних водох з Кули до колектору у Вербаше, хтори их далєй будзе транспортовац до Централного построєня.