БЕОҐРАД – На часци автодраги од Старей Пазови по Сириґ надополнєнє за хаснованє драги – драгарину – будзе ше плациц лєм по числу прейдзених километерох. З уводзеньом завартей системи наплацованя, за путнїцки авта од Беоґраду по Нови Сад ше будзе плациц 190 динари, место дотерашнїх 240, а од Беоґраду по Индїю 60 динари, место дотерашнїх 204.
Министерка транспорту Зорана Михайлович гварела же, пре векше число чежких камионох, така система наплацованя „Драгом Сербиї” принєше исти заробок, а драги у локалних штредкох нє буду очкодовани.
До половки 2016. року заварта система наплацованя драгарини будзе запровадзена и на часцох од Сириґу по Горґош и Нишу по Долєвац, та Сербия будзе мац цалком заварту систему наплацованя, яку применює и векшина европских державох.
Директор „Драгох Сербиї” Зоран Дробняк з тей нагоди гварел же за нову систему дотераз направени 10 рампи за наплацованє, цо коштало 2,5 милиони еври.