СЕРБИЯ – По спорозуменю хторе подписали Сербия, Македония, Чарна Гора и Босна и Герцеґовина, од 30. юния у тих жемох буду нїзши цени роминґу, наявел министер тарґовини, туризму и телекомуникацийох Расим Ляїч.
У спомнутих державох цени роминґу даскельо раз векши як у державох Европскей униї (ЕУ), цо парадокс пре нїзки стандард у шицких штирох жемох. Спорозуменє подписане праве по директиви ЕУ, а як наявене, цени ше будзе поступнє знїжовац, преноши Танюґ.
На яки способ ше почнє применьовац тото спорозуменє ище нє цалком дефиноване, понеже о тим ище нє порадзене з мобилнима оператерами, а министер Ляїч гварел же то будзе пошвидко.
Кед слово о актуалним процесу диґитализациї, министер Ляїч гварел же аналоґни сиґнал будзе цалко загашени 7. юния, и же 97,8 одсто жительох Сербиї будзе примац диґитални сиґнал.