ЖАБЕЛЬ – Нєшка ознова почина акция дзелєня ваучерох гражданом општини Жабель котри ше першираз вакциную процив Ковиду-19.
На шицких вакциналних пунктох у шицких штирох населєних местох – Жаблю, Чуроґу, Ґосподнїцох и у Дюрдьове – од нєшка по соботу гражданє такой после вакцинованя достаню ваучер у вредносци од 2.000 динари котри можу вихасновац у обєктох доо Квеце.
Ваучер мож вихасновац два днї по вакцинованю, а додзелює ше го як награду за одвичательне справованє.