Отримана схадзка Орґанизацийного одбору за Централну преславу нашого швета

автор влдї
1.2k Опатрене

БИКИЧ – Вчера, 15. новембра, у ОШ „Сримски фронт у Бикичу“ отримана схадзка Орґанизацийного одбору за Централну преславу националного швета Руснацох 14. януара 2017. року у Бикичу, на хторей розпатрени дотерашнї и наступни активносци на пририхтованю програмох з нагоди швета.

1-Bikic-02

Констатоване же найвекша часц рукописох и фотоґрафийох за моноґрафию о Руснацох у Бикичу пририхтана, а бешедоване и о орґанизованю виставох Миряни Барновей и Олґици Лукачовей у Доме култури у Бикичу, дзе будзе порихтани и Етно-стол, як и о випатрунку сценоґрафиї за Шветочну академию, плакати и поволанкох за Централну преславу.

Попри тим, на схадзки Орґанизацийного одбору було слова и о вистави малюнкох Андєлки Античевич и Драґици Живкович, хтора у рамикох Централней преслави будзе у Народней библиотеки „Симеон Пищевич“ у Шидзе, а у Шидзе, у Културно-образовним центре будзе и Шветочна академия. Попри Бикичанох, як домашнїх, на Академиї наступя и нашо визначни уметнїки з вецей местох.

1-Bikic-03

Схадзку, на хторей предложене и же би после Централней преслави Бикичанє були домашнї централного балу Руснацох, водзела предсидателька Орґанизацийного одбору, о.д. директора Заводу за културу войводянских Руснацох Ивана Дудаш, а присуствовали и подпредсидатель Орґанизацийного одбору, заменїк предсидателя Националного совиту Руснацох Йовґен Мудри, началнїк Општинскей управи Шид Ромко Папуґа, Деян Бобаль, Зденко Лазор, Невенка Бобаль, о. Владимир Еделински Миколка и други члени.

Порадзене же шлїдуюца схадзка Одбору будзе 7. децембра, а после вчерайшей присутни нащивели и пооправяни Дом култури у Бикичу, хтори обилєни и пременєни облаки и дзвери.

1-Bikic-04

ПОВЯЗАНИ ТЕКСТИ