СЕРБИЯ – Полицийни управи Министерства нукашнїх дїлох поволую гражданох же би у тим периодзе шветох нє хасновали пиротехнїчни средства и спозорюю же експлозивни средства и полнєня и у найменших количествох можу виволац нєжадани пошлїдки.
Спозорене и же по Законє о защити трошительох, малолїтним особом забранєне предавац пиротехнїчни средства, а Закон о обтоку пиротехнїчних средствох предписує кари кед ше утвердзи же су предавани и хасновани на нєпредписани способ. За тото предписана и кара гарешту 60 днї, лєбо пенєжна од 21 000 динари.
Петарди и рижни пиротехнїчни средства з рока на рок у Сербиї спричинюю вше вецей калїченя, окреме дзецох, аж и з тирвацим инвалидитетом. Од петардох и других експлозивних полнєньох найчастейше страдаю дзеци од 5 до 7 роки, и адолесценти од 14 до 18 роки.