БЕОҐРАД – Реґионални онлайн-саям обезпечованя роботи и образованя „Виртуални днї кариєрох и знаня 2015” почал вчера и будзе тирвац по 28. октобер, на адреси www.dankarijera.com
Нащивительом сайту зоз Сербиї ше представяю вецей як 20 викладаче, котри понукаю коло 150 оглашки и програми за обуку.
Тогорочни Саям насампредз наменєни припаднїком такволаней ґенрациї Y, а подїї уж шейсц роки традицийно орґанизую три найнащивенши портали за обезпечованє роботи у реґионє – зоз Сербиї сайт poslovi.infostud.com, у сотруднїцтве з Инфостудовим образовним сайтом najstudent.com, портал www.moj-posao.net з Горватскей и posao.ba з Босни и Герцеґовини.
Того року роботнїкох глєдаю компаниї Nestle Adriatic S d.o.o, Lidl Supermarketi, Philip Morris International d.o.o., JT International АД Сента, Теленор д.о.о, Концерн Бамби а.д, Trizma, Cooper Tire & Rubber Company Serbia d.o.o, Lion Group, eFront, Ernst & Young d.o.o Беоґрад.
Роботу мож найсц и у Societe Generale Банки Србия а.д, Орион Телекому д.о.о, Nelt Co d.o.o, Нафтней индустриї Србиї а.д. Нови Сад и UniCredit Банки Србия а.д.
Попри оглашкох за роботу, програми обуки и курси понукаю Kursevi.com, Французки институт у Сербиї-Campus France Serbie, Амбасада Канади, Australian Trade Commision и LINK group d.o.o., пише у сообщеню, преноши Танюґ.