Почина „Ритем Европи”

автор 021/ядю
1k Опатрене

НОВИ САД – Тогорочна програма „Ритма Европи” будзе у знаку 70-рочнїци побиди над фашизмом, а почнє з отвераньом вистави зоз интернационалного конкурса под назву „70 роки побиди над фашизмом” у ґалериї на отвореним у Улїци Краля Александра.

Вистава „Днї побиди” у орґанизациї Студентского културного центру Нови Сад (СКЦНС) у сотруднїцтве з Матицу сербску будзе отворена нєшка на 20 годзин у Фабрики. На нєй буду презентовани материяли зоз Окремней збирки Библиотеки Матици сербскей – ґеоґрафски мапи нєприятельских офанзивох, рамики ґрамофонских плочох и нотни записи воєних писньох на чесц ошлєбодзеня Югославиї, як и лєтки, плакати, фотоґрафиї и подобово роботи хтори зоз своїм визуалним идентитетом одражую борбу народа Югославиї за шлєбоду.

У рамикох „Ритма Европи” 7. мая будзе орґанизована трибина „Дзень побиди над фашизмом” у СКЦНС Фабрика на 20 годзин, а 9. мая на Площи шлєбоди будзе цаловечарши концерт на хторим наступя Artan Lili, Elemental, Sonic Boom Six и Ґоблини.

 

ПОВЯЗАНИ ТЕКСТИ