КОЦУР – Вчера, 21. фебруара, у просторийох Дому култури у Коцуре отримана промоция синтаксней моноґрафиї „Виреченьово конструкциї у руским и анґлийским язику” автора проф. др Михайла Фейсу. Кнїжку видал Филозофски факултет у Новим Садзе, видавательна хижа „Прометей” и КПД „ДОК”.
На промоциї о кнїжки бешедовал сам автор др Фейса, котри у своїм дїлу поровнал руски и анґийски язик, цо концизно представел присутним на промоциї.
Рецензенти були проф. др Ана Плишкова, проф. др Предраґ Новаков, мр Гелена Медєши и мр Ксения Сеґеди, а як вчера гварел др Фейса, тота кнїжка була пресудна за його здобуванє званя порядного професора на Филозофским факултету у Новим Садзе.