Представени проєкт „Дзеци за мир на цалим швеце”

автор вев
1k Опатрене

НОВИ САД – Вчера у Скупштини АП Войводини представени проєкт „Дзеци за мир на цалим швеце”, хтори орґанизую Шветови конґрес українских младежских орґанизацийох и Фонд „Препороду Прикарпатя”, а на инициятиву Амбасади Мадярскей у України и почесного конзула Мадярскей у Ивано-Франковскей обласци у України.

Школяре новосадских основних школох „Петефи Шандор”, „Иво Лола Рибар” и „Дьордє Натошевич” од українских парнякох прейґ видео-презентациї прияли порученя за мир виписани на мапи Сербиї, а вец новосадски школяре виписовали власни поруки и лїпели на другу мапу, хтора будзе однєшена до України.

8-Projekt-02

На вчерайшим сходзе, хтори мал циль наглашиц важносц очуваня мира, як у України, так и на цалим швеце, домашнї були предсидателє Скупштини АП Войводини и Покраїнскей влади Иштван Пастор и др Боян Пайтич, подпредсидателє покраїнского парламенту и Покраїнскей влади и шефове посланїцких ґрупох.

8-Projekt-03

Делеґацию України предводзел заменїк предсидателя Ивано-Франковскей обласци Ярослав Паранок, а на сходзе и представяню проєкту присуствовали и амбасадоре Мадярскей и України у Сербиї – Атила Пинтер и Александер Александрович, та представителє Конґресу українских младежских орґанизацийох.

Проєкт будзе представени у 35 державох, а попри у Сербиї, уж є витворени у Мадярскей, Румуниї и Болгарскей.

ПОВЯЗАНИ ТЕКСТИ