ДЮРДЬОВ/ҐОСПОДЇНЦИ – У шицких местох општини Жабель од штвартку, 13. мая, ознова предлужене вакцинованє процив Ковиду-19 без заказованя.
Шицки котри жадаю достац вакцину треба же би ше явели до амбуланти у своїм месце – у Дюрдьове на число телефона 021/29-39-010, а у Ґосподїнцох на число телефона 021/836-017.
Розпорядок роботи пунктох за вакцинованє по општинских местох пременєни у Дюрдьове и Ґосподїнцох у одношеню на їх роботни час у прешлим тижню. Од вчера, 17. мая, у амбуланти у Дюрдьове вакцину мож прияц од 8 по 12 годзин, а у амбуланти у Ґосподїнцох 8 по 17 годзин.