Програми по наших местох з нагоди Националного швета

автор зам
786 Опатрене

НАШО МЕСТА – Означованє Националного швета Руснацох у Сербиї по наших местох, односно у подручних канцеларийох Националного совиту (НС), будзе 16, 17. и 18. януара.

На пияток, 16. януара, означованє швета на 12 г. будзе у Суботици, у просторийох Дружтва Руснацох, а на 13 г. у Кули, у просторийох Руского КУД „Др Гавриїл Костельник”.

Означованє Националного швета на пияток, 16. януара, у исти час – на 18 годзин – будзе у Руским Керестуре, у просторийох Дому култури; у Шидзе, у просторийох КПД „Дюра Киш” и у Новим Орахове, у просторийох КУД „Петро Кузмяк”, а у Коцуре на 20 г. у сали Месней заєднїци.

На пияток Националне швето будзе означене и у Новим Садзе, на 19,30 г. у просторийох Руского културного центру.

На соботу, 17. януара, програма з нагоди Националного швета будзе у Дюрдьове, у просторийох КУД „Тарас Шевченко”, на 12 годзин, а першираз и у Ґосподїнцох, исти дзень на 14 г. у Месней заєднїци.

На нєдзелю, 18. януара, Националне швето Руснацох у Сербиї заєднїцки означа подручни канцелариї НС у Сримскей Митровици и Бикичу. Програма будзе на 19 годзин у церковней сали грекокатолїцкей церкви у Сримскей Митровици.

ПОВЯЗАНИ ТЕКСТИ