СЕРБИЯ – Як тих дньох преноша рижни веб-портали, у терашнїх вельких горучавох лєгко приходзи до бактерийских трованьох и инфекцийох черевох пре високи температури, нєадекватне чуванє поживи, подлу гиґиєну и нєправилне пририхтованє єдзеня, та ше препоручує векшу осторожносц.
Окреме треба померковац на найчувствительнєйши артикли, як цо то млєте месо и преробки з меса, млєко и млєчни продукти и вайца, так же уж при їх купованю треба водзиц рахунку як випатраю, а потим и як и дзе ше их чува.
Зоз заґадзену поживу ше преноши велї хороти. Заражени особи з микроорґанизмами з поживи можу прейсц без симптомох, мац лєм благе поремеценє у роботи черевох, алє тиж так може присц и до стану чежкей дехидратациї и поремеценя общого здравственогои стану.