СЕРБИЯ/РУСКИ КЕРЕСТУР – У тексту хтори по сербски обявени штварток на сайту Радио-телевизиї Войводини (РТВ), Руски Керестур послужел як приклад вимераня войводянских валалох, дзе ше частейше валя, як будує хижи.
По податкох Републичного заводу за преучованє валалох, коло 1 200 валали у Сербиї препадню, понеже ше з нїх виселює вельке число жительох, а найчастейша причина то основна еґзистенция и лєпши условия живота хтори понукаю городи, лєбо иножемство.
Як пише РТВ, у Войводини обставини нє нательо подли, алє замерковане же валали вше „старши“ и празнєйши. Йоаким Надь з Руского Керестура, котри валя набивани хижи, за РТВ гварел же рочнє звалї голєм пейц хижи, а „щесце кед ше у року вибудує єдну хижу“. Понеже у Керестуре велї хижи празни, мож их купиц за 4 000 до 5 000 еври, а дзепоєдни и препадаю.