У новим „Руским слове”

автор ядю
1.1k Опатрене

НОВИ САД – У штерацец дзевятим тогорочним чишлє новинох „Руске слово” рубрика „Тижньовнїк” пише о активносцох Роботного цела за родну ровноправносц Националного совиту Руснацох, а попри актуалносцох з вецей местох, рубрика „Нашо места” пише и о заключеньох зоз схадзки Совиту Месней заєднїци Руски Керестур.

На бокох „Економиї” розгварка з Мирославом Маґочом, польопривреднїком з Вербасу, а ту и звит з першого жимского преподаваня за паприґарох у Керестуре.

„Култура и просвита” анализує чи ше почитує традицию облєканя нашого народного облєчива, а на тих бокох и прегляд подїйох з Манифестациї Днї Миколи М. Кочиша. „Мозаїк” пише о участвованю младих Руснацох у преглашованю Нового Саду за Европску престолнїцу култури 2021. року.

Рубрика „Людзе, роки, живот” упознава читачох з Надю Кечкеш зоз Шиду, а преноши и шведоченє Ирини Олеяр, мацери Ромка Олеяра, котри нєстал у войни дзеведзешатих рокох.

„Духовни живот” понука огляднуце на закончени Рок милосердия, док на бокох „Спорту” текст о Юлиянови Малацкови, а ту зазначени и успих младих каратистох керестурского „Русину”.

ПОВЯЗАНИ ТЕКСТИ