ВЕРБАС – Пре вше частейши вимоги гражданох котри нє можу висц з роботи реґуловац свойо законски права, Полицийна станїца у Вербаше запровадзела додатну змену.
Попри у порядним роботним чаше, потребни роботи вязани за леґитимациї, пасоши, вожацки дозволи, реґистрациї превозкох, видаванє увереньох и подобне, гражданє од того тижня кажду стреду можу окончиц и у пополадньовей змени, од 14,30 до 20,30 годзин. Перши дополнююци пополадньови роботни час будзе уж тей стреди, 6. априла.
Оодлука о єднодньовим цалодньовим шалтеру нє на републичним уровню, алє лєм у Вербаше, а як поручую зоз Станїци, запровадзованє додатней змени за тераз дочасове.