У цалей держави найвисши пензиї у Беоґрадзе, у Войводини у Новим Садзе и Вербаше

автор сен/апа
819 Опатрене

СЕРБИЯ – Штредня пензия за шицки катеґориї у Сербиї виноши 23 159 динари, указую остатнї податки Републичного пензийно-инвалидского фонду (ПИО). Найвисши пензиї доставаю пензионере з Беоґраду – 29 126 динари, а найнїзши пензионере з Нового Пазару – 16 568 динари, пише Блиц.
Окрем у Беоґрадзе, високи пензиї ше виплацує и у Нишу, Бору и Кралєве, а нєвигодни стан у Алексинцу и Пожаревцу.
У Войводини найвисши пензиї у Новим Садзе – 27 814 динари, потим у Вербаше – 25 131 динари, у Панчеве 25 041, док у Суботици 24 172 динари. Найнїзши пензиї у Оджаку – 20 922 динари, у Сримскей Митровици 21 632, а у Бачкей Паланки 22 313 динари.
У Войводини штредня януарска пензия за старосних пензионерох була 24 907, за инвалидских 22 450, а за фамелийних 18 691 динари.
У зависносци од катеґориї осиґураних, найвисшу пензию доставаю бувши професийни воєни лїца – 40 934, а найменши приманя маю польопривредни пензионере – 10 315 динари.
По остатнїх податкох ПИО, у Сербиї єст милион 741 122 пензионерох, а концом 2014. року зазначене векше число вимогох за пензионованє.

ПОВЯЗАНИ ТЕКСТИ