РУСКИ КЕРЕСТУР – Даскельо члени Добродзечного огньогасного дружтва внєдзелю 18. юлия, отримали акцию чисценя малого базену и збераня шмеца по беґелю.
Акцию отримали внєдзелю дополадня, а як гварели, на идею чисценя базена за наймладших пришли понеже тота часц базену нє чисцена остатнї 10 роки.
И одрутки у беґелю – рижни мещки, пластични фляши и конзерви, хторих було 10 мехи, позберали огньогасци, а з тей нагоди апеловали и на гражданох же би поведли рахунку о руцаню шмеца до природи.
Роботи були закончени за даскельо годзини, та тераз базен безпечни за шицких купачох.
