СЕРБИЯ – Министерство просвити обявело дополнєня и виправку конкурсу за упис до штреднїх школох за школски 2015/2016. рок, з чим оможлївена векша доступносц ремеслнїцких и продуктно-технїчних профилох.
Нєшка буду обявени резултати закончуюцих испитох за маломатурантох, а на пияток и соботу, 26. и 27. юния, школяре придаваю пополнєни лїстини жаданьох. З Министерства апелую же би школяре пополнєли шицки 20 жаданя, прето же у процивним ризикую же останю нєуписани. Деталї дополнєньох и виправкох конкурсу мож опатриц на сайту www.mpn.gov.rs
Конєчни розпорядок по школох будзе обявени 5. юлия, а упис школярох 6. и 7. юлия.