9. ОКТОБЕР – На нєшкайши дзень народзела ше Мелания Павлович.
1701 – Основани Универзитет Єйл, нєшка єден з найпознатших универзитетох у ЗАД.
1835 – Народзел шe композитор, пиянист, дириґент, орґуляш и музични писатель Шарл Камий Сен-Санс (Париз, Французка, 9. октобер 1835 – Алжир 16. децембер 1921).
1858 – Народзел ше физичар и пренаходзач, науковец Михайло Пупин (Идвор, 9. октобер 1854 – Нюйорк, 12. марец 1935), бул универзитетски професор, публициста, академик и добротвор.
1892 – Народзел ше Иво Андрич (Долац, при Травнику, 9. октобер 1892 – Беоґрад, 13. марец 1975), добитнїк Нобеловей награди за литературу 1961. року.
1932 – Народзела ше Мелания Павлович (Руски Керестур, 9. октобер 1932 – Нови Сад, 9. новембер 2002). Мелания Павлович, народзена Джуня, основну школу и нїзшу ґимназию зоз малу матуру закончела у Руским Керестуре, а стредню економску школу у Бечею. Економски факултет закончела попри роботи и дипломовала 1972. року. Першу службу достала у Землєдїлскей задруґи Перши май у Руским Керестуре. Зоз фамелию ше преселєла до Нового Саду и єден час робела як банкарски службенїк, а вец по пензию, по 1989. рок, робела як руководителька рахунководства у НИУ Руске слово. Мелания Павлович писала писнї, кратки приповедки и театрални фалати за дзеци як и поезию за старших. Умарла 9. новембра 2002. року, спочива на теметове у Новим Садзе.
Нєшка шветови дзень пошти.
Другого штвартку у октобре означує ше Шветови дзень виду (World Sight Day)