НОВИ САД – На Радио програми по руски нєшка на 12:30 годзин, емисия Горизонти.
У найновшей емисиї Горизонти слухачох одведземе до чаривного швета квица – до швета фарбох, пахох и природних красотох хтори нас каждодньово окружую. Нєшка ше будзе бешедовац о квицу хторе украшує нашо обисца, заградки и животи, о пахох хтори здогадую на дзецинство и о квиткох хтори приноша мир и виволую ошмих на твари. У чаше кед ше часто забудзе стануц, квице нас здогадує же природа драгоцина и же важне чувац ю, пестовац и любиц.
Емисия Горизонти кажди пияток на 12:30 годзин на УКТ габох радия РТВ на 92, 100 и 107,1 мгг, а мож ю послухац и на одложеним слуханю на сайту Радио-телевизиї Войводини. Емисию пририхтує Єлена Дудаш.