КОЦУР – Школяре Основней школи „Братство єдинство” зоз Коцура участвовали на 16. Мултимедиялним конкурсу котри вєдно орґанизовали Технїчна школа „Никола Тесла” зоз Сурдулици и Епархия враньска.
Тема на хтору школяре творели свойо подобово роботи глашела „Отечество и шлєбода – прешлосц, терашньосц и будучносц”. Як визначене, конкурс розписани з цильом пестованя култури паметаня, розвиваня и творчосци, и порушованя младих же би роздумовали о значеню шлєбоди и любови ґу отечеству.
Школяре I-3 класи, вєдно зоз свою менторку и учительку Марию Полдруги, зробели малюнки на задату тему и зазначели красни успихи.
Так, школяр Петар Япунджа зоз свою роботу завжал друге место, школярка Теодора Блечич завжала треце место, а специялну награду освоєла школярка Сара Ковачевич.
За свой успих школяре достали и пригодни награди.