НОВИМ САДЗЕ – У Клїнїки за ґинеколоґию и акушерство Клїнїчного центру Войводини отворена реновирана простория за одпущованє бебох, а новосц же є тераз оградзена з превидним склом.
Началнїца Оддзелєня неонатолоґиї у спомнутей Клїнїки Лїляна Добрич з тей нагоди гварела же ше у новосадским породзилїщу рочнє народза од 6 500 по 6 800 беби.
– Породзилїще „Бетания” єдно з трох найвекших у Сербиї, та рочне число пологох векше од числа пологох у штирох породзилїщох вєдно – гварела Добричова.
Новинаром винєшени и податки же ше влонї у Бетаниї народзели 6 608 беби, а медзи нїма 568 скорей часу.