НОВИ САД – Ютрейши ТВ Маґазин будзе, з найвекшей часци, пошвецени нашому найстаршому фестивалу рускей култури Червена ружа котри того року будзе отримани 65. раз.
Годно одпатриц и як було школяром седмей класи Школи Петро Кузмяк, котри пребували у дзецинским валалє Песталоци у Швайцарскей, котри през свойо проєкти збера дзеци и младих зоз цалого швета.
Представени ше и млади ґолман Альоша Дюранїн зоз Каменїци, добитнїк награди за найлєпшого ґолмана на державним першенстве у малим фодбалу котре отримане у Новим Садзе.
Телевизийни маґазин почина на нєдзелю 28. юния, на 20 годзин. Репризу емисиї годно одпатриц тей истей ноци коло 2 рано, и на пондзелок на 10:30 годзин, а мож ю одпатриц и на одложеним патреню на сайту Радио-телевизиї Войводини.