ДЮРДЬОВ – На соботу, 11. авґуста, на валалским спортским полиґону у Дюрдьове будзе орґанизована Ловарска ґулашияда.
Котизация виноши 4 000 динари, екипа може мац пейцох членох, а орґанизаторе обезпечую три килограми меса з єленя, столи, лавки и слункобрани. Приявиц ше мож по вовторок, 7. авґуст. Кажда екипа себе муши обезпечиц фляшу з бутаном и печарку, а обовязне мац сиґурносни вентил.
Шицким учашнїком орґанизаторе подарую по маїцу, а за найлєпших обезпечени награди, припознаня и медалї.
Ґулашияда почина на 15 годзин, а орґанизатор Ловарске дружтво „Дюрдьов” зоз Дюрдьова.