БЕОҐРАД – Новинска аґенция Бета розписала конкурс за найлєпшу фотоґрафию рока, на хтори ше можу приявиц професийни репортере зоз жемох юговосточней Европи, а фотоґрафиї з хторима конкурую треба же би були зняти на териториї юговосточней Европи од априла 2014. по април 2015. року.
У фаховим жирию буду професорка на Академиї уметносцох у Новим Садзе Ивана Томанович, фоторепортер „Вечернїх новосцох“ Предраґ Митич и редактор Фото- редакциї Бети Ненад Петрович. Награди за три найлєпши фотоґрафиї буду 1 000, 750 и 500 еври.
На конкурс ше мож приявиц по 24. април, а условия и прияви мож опатриц на сайту www.betafotokonkurs.com