СРИМСКА МИТРОВИЦА – Централна преслава Националного швета Руснацох у Републики Сербиї того року будзе отримана 18. януара у Сримскей Митровици.
Шветочносц почнє на 16 годзин зоз Архиєрейну Службу Божу у Церкви Вознесения Господнього, а служиц будзе владика Георгий Джуджар.
Потим на 17:15 годзин у парохиялней сали будзе етно стол, хтори порихтаю членїци зоз Здруженя женох „Бикичанки”.
На 18 годзин з нагоди 100 рокох од першого виданя „Руских новинох” и 80 рокох Новинско-видавательней установи „Руске слово” буду Усни новини у Шветочней сали Музичней школи „Петар Краньчевич”.
На 19:15 годзин у Голу Театра „Добрица Милутинович” отвори ше виставу Ясни Арбанас.
Шветочна академия Централней преслави Националного швета Руснацох почнє на 20 годзин у Велькей сали Театра „Добрица Милутинович” у Сримскей Митровици.