ДЮРДЬОВ – У Основней школи „Йован Йованович Змай” у Дюрдьове нєшка, 22. мая будзе представена кнїжка за дзеци „Воденїчка на стриберним потоку” Мирона Будинския.
Промоцию кнїжки отрима редакторка часопису „Заградка” Ясмина Дюранїн, а будзе отримана у школским дворе.
Кнїжка репринт виданя зоз 1970. року, алє є збогацена з новима илустрациями котри нарисовала авторова унука Лара Петкович. Попри тим, обявена и роботна тека у котрей преложени три приповедки на сербски язик, а илустрациї прилагодзени за вифарбйованє.
НВУ „Руске слово” обявело тоту кнїжку у рамикох проєкту „Култура=кнїжка=природа – интеркултурални роботнї за дзеци” при Буджетским фонду за национални меншини Министерства за людски и меншински права и дружтвени диялоґ Републики Сербиї.