ДЮРДЬОВ – Нєшка, 9. октобра ше закончує означованє Дзецинского тижня, котре того року ноши мото „Же би дзеци були щешлїви – любов, почитованє, а нє сила”.
Цали тидзень, од пондзелку, 5. октобра по пияток, 9. октобра, а з нагоди Дзецинского тижня школяре зоз Основней школи „Йован Йованович Змай” мали заєднїцки активносци, а участвовали шицки класи, як и зоз предшколци.
Школяре рисовали, мали спортски дзень, патрели театралну представу, а вчера, штварток 8. октобра була „Точкияда”, та школярох першей класи полицайци и учительки учели як ше преходзи улїцу, а школяре другей, трецей и штвартей класи у провадзеню полициї вожели ше на бициґлох по улїцох блїзко при школи.
Нєшка, пияток 9. октобра кажде оддзелєнє у ОШ на хамер паперу будзе правиц мурово новини о тим цо робели под час Дзецинского тижня.
