НОВИ САД – Покраїнски секретарият за образованє, предписаня, управу и национални меншини – национални заєднїци розписал перши круг конкурсох у 2025. року, седем з обласци образованя и три з обласци витворйованя правох националних меншинох – националних заєднїцох. Прейґ тих конкурсох, вкупно ше додзелює 326 милиони динари, хтори розпоредзени на таки способ:
1. За реґресованє превоженя школярох штреднїх школох на териториї AП Войводини будзе видвоєне 151 милион динари, контакт: 021/487-4602,
2. За набавку видео-надпатрунку у школох (20 милиони динари – за основни школи и 40 милиони динари – за штреднї школи) будзе унапрямене 60 милиони динари, контакт: 021/487-4348,
3. За виробок технїчней документациї за потреби установох основного и штреднього образованя и воспитаня будзе 30 милиони динари (20 милиони динари – за основни школи и 10 милиони динари – за штреднї школи), контакт: 021/487-4268, 487-4614, 487-4036;
4. За трошки оспособйованя талантованих школярох основних и штреднїх школох з териториї АП Войводини и анґажованя фахових сотруднїкох на Андревлю видвоєне 15 милиони динари (5 милиони динари – за основни школи и 10 милиони динари – за штреднї школи), контакт: 021/487-4330;
5. 2,5 милиони динари опредзелєни за програмни активносци и проєкти за дзвиганє квалитету школярского стандарду, контакт: 021/487-4602;
6. 6,2 милиони динари за трошки орґанизованого превоженя школярох штреднїх школох на Саям образованя у Новим Садзе, контакт: 021/487-4035;
7. 700 тисячи динари за програми и проєкти у обласци моцнєня язичних компетенцийох школярох основних и штреднїх школох (600 тисячи – за основни школи и 100 тисячи – за штреднї школи), контакт: 021/487-4867;
8. У обласци витворйованя права националних меншинох – националних заєднїцох, 45 милиони динари за унапредзованє положеня националних меншинох – националних заєднїцох и розвой мултикултурализму и толеранциї, контакт: 021/487-4608;
9. За програми и проєкти очуваня и пестованя мултикултуралносци и медзинационалней толеранциї наменєне 19 милиони динари, контакт: 021/487-4604;
10. 800 тисячи динари за софинансованє подпроєкту „Мултикултурализем на клик“, контакт: 021/487-4604.
Термин за подношенє приявох под точками 5. 6. и 7. то 14. фебруар, док за конкурси под другима точками термин апликованя 28. фебруар 2025. року.
Прияви з потребну документацию ше доручує особнє у писарнїци покраїнских орґанох управи у Новим Садзе (у прижемю будинку Покраїнскей влади) або по пошти на тоту адресу:
Покраїнски секретарият за образованє, предписаня, управу и национални меншини – национални заєднїци, з назначеньом назви конкурсу/програми и проєкту. Булевар Михайла Пупина 16, 21000 Нови Сад. Формулар питальнїка з прилогами мож найсц на сайту Секретарияту.
Вецей информациї о условийох конкурованя мож тиж найсц на сайту Секретарияту, у часци под назву Конкурси, як и на наведзени числа телефонох.