Ґлориян Штранґар освоєл нови три медалї

автор Д. Барна
483 Опатрене

БЕОҐРАД – У Беоґраду у спортскей сали „Ранко Жеравица” отримани Медзинародни традицийни турнир „Рода Куп 2023”.

На турниру участвовали 1.200 змагателє зоз Нємєцкей, Републики Конґо, Болгарскей, Словацкей, Сиверней Македониї,Чарней Гори, БиГ и Сербиї.

Карате клуб „Гайдук” участвовал зоз 26 поєдинєчнима наступами и зоз 6 екипами и посцигнути одлични резултати. Освоєне вкупно 17 медалї од хторих 3 златни, 5 стриберни и 9 бронзово, а од тих медальох 3 освоєл Ґлориян Штранґар зоз Руского Керестура.

У поєдинєчним змаганю, Ґлориян ше змагал у катеґориї младши сениоре -75 кґ, завжал 3. место.

У екипним змаганю, дзе уж убавена екипа младших сениорох – Ґлориян Штранґар, Лука Ґириц и Марко Пуцар, завжали 2. место.

И трецу медалю на тим турниру освоєл тиж у екипним змаганю юниорох – Ґлориян Штранґар, Милош Крнаяц и Марко Пуцар, дзе завжали 3. место.

Орґанизаторе того турниру були Карате клуб „Чукарички Рода” и Беоґрадски карате союз (БКС).

ПОВЯЗАНИ ТЕКСТИ