ЖАБЕЛЬ – У рамикох проєкту ,,Обновйованє Центру за розвой иновацийох у даваню роботи и технолоґийним подприємству”, хтори реализує Канцелария за младих општини Жабель, почали обуки за шицких заинтересованих младих. Проєкт финансує Министерство за младих и спорт, зоз потримовку локалней самоуправи.
До тераз орґанизовани Розвой бизнис плану и Роботна и фахова пракса. На тих обукох млади могли научиц як ше вирабя бизнис план, яка його значносц и як го мож применїц у водзеню роботи, як и яка улога держави кед слово о тим сеґменту дїлованя.
Годзина на тему Роботна и фахова пракса дала младим нагоду же би ше упознали зоз информациями о роботней етики, принципох роботи у рамикох роботних и фахових праксох и же би ше упознали з тим яки права и обовязки маю под час пракси.