НОВИ САД – У Руским културним центре у Новим Садзе тирваю пририхтованя Националного оркестра за наступ на Централней преслави Националного швета Руснацох у Сербиї, хтора будзе у Дюрдьове на нєдзелю 21. януара.
По словох Олесї Балач задлуженей за музичну часц програми на академиї у Дюрдьове же єй улога була зложиц програму за академию у поради зоз домашнїма учашнїками у руководительом окрестра.
Национални оркестер под руководством Мирослава Папа будзе провадзиц Церковни хор „Розанов” под руководством Татиани Барна у интонованю державней гимни „Боже правде” и шветочней шпиванки „Браца Русини”, так и як то уж узвичаєне програму ше закончи зоз шпиванку „З давен давна”, а буду провадзиц и Дзивоцку шпивацку ґрупу и солистох на шветочносци.
Тиж рихтаю и интересантни инструментални нумери наших руских мелодийох, хтори Мирослав Пап уклопел до єдней форми.
На програми будзе участвовац и домашнї оркестер КУД „Тарас Шевченко”.
