НОВИ САД – На Радио програми по руски нєшка на 12:30 годзин, будзе емисия Дом и фамелия.
У емисиї Дом и фамелия будзе ше бешедовац о обичайох котри провадза Вельку ноц, тото красне швето котре ше преповадзує зоз фамелию и зоз найблїзшима. О тим ше будзе бешедовац зоз Даниру Вукичевич котра услужно пече паски у Коцуре. Любица Няради тиж потолковала прецо єй важне же би сама пририхтала и традицийни єдла за Пасху. Рецепт за сирец виприповеда Любица Фечо, а годно дознац и прецо важни пририхтованя за Вельку ноц у єдней фамелиї.
Окрем того, бешедовац будзе нєдавно пензионована новинарка Мартица Тамаш о тим як препровадзує шлєбодни час у пензиї, а тиж так и млада дохторка ґинеколоґа Ана Варґа о тим прецо єй, попри роботи, на першим месце фамелия.
Емисию Дом и фамелия мож послухац кажду стреду на 12:30 годзин на УКТ габох радия РТВ на 92, 100 и 107,1 мгг. Реприза емисиї на соботу на 7 годзин, а мож ю послухац и на одложеним слуханю на сайту Радио-телевизиї Войводини. Редакторки емисиї Наталия Дудаш и Саня Маркович.