НОВИ САД – У Конктедралней церкви святих апостолох Петра и Павла у Новим Садзе вовторок, 19. авґуста, означене швето Преображенє Господнє. Того дня були два Служби Божо, дополадня и пополадню, а служел их домашнї парох о. Дарко Рац.
У Велькей Служби Божей паноцец потолковал значенє швета кед ше Исус преображел пред трома апостолами на гори Тавор и цо воно представя нєшкайшим вирним у їх каждодньовим християнским живоце.
По законченю дополадньовей Служби Божей пошвецена овоц.
