БИКИЧ – З нагоди 4. децембра и 70 роки од ошлєбодзеня у Другей шветовей войни у валалє пригодно означена тота значна подїя.
После Служби Божей, хтору служел парох о. Владимир Еделински Миколка, служени и парастос при памятнїку погинутим борцом.
З тей нагоди венци и квеце на памятнїк положели у мено локалней самоуправи член Општинскей ради Ґоран Ковачевич и начальнїца Општинскей управи Бояна Мравик. Спред борецкей орґанизациї венєц положел Цвєтин Ракич, а у спред МЗ Бикич поверенїк општини Деян Бобаль, а потим пригодни рецитал виведли школяре ОШ „Сримски фронт“, Подручне одзелєнє у Бикичу хторих порихтала учителька Ана Гудак.
На ютре з нагоди 6. децембра у Шидзе будзе на пригодни способ означена 70-рочнїца ошлєбодзеня Шиду.