ВЕРБАС – У нововербаскей церкви св. Владимира тих дньох ше навелько роби – парохиянє зоз своїм парохом. о. Данилом Задрепком биля цалу церкву од улїци, од двора, а нука билї маляр.
Фарба за коло 500 метери квадратни купена зоз дзвончка, церковней каси о хторей ше стара София Мученски.
Парох нововербаскей церкви о. Данил Задрепко визначел же планую шицко обилїц по Пасху, прешлого тижня церква обилєна од улїчки, тих дньох маляр билї церкву нука, а док ше вихвилї парохиянє обиля и мури у дворе. Тиж парох Задрепко похвалєл коло 20 парохиянох хтори ше одважели робиц таку вельку роботу, а и шицки парохиянки и других парохиянох хтори порая, варя и рихтаю цо потребне.
