НОВИ САД – Клара Блаґоєвич, школярка седмей класи Основней школи „Петро Кузмякˮ зоз Руского Керестура, завжала перше место на конкурсу по проєкту „Афирмация мултикултурализма и толеранциї у Войводиниˮ.
Покраїнски секретарият за образованє, предписаня, управу и национални меншини – национални заєднїци, у сотруднїцтве зoз Форумом за едукацию сотруднїцтво, афирмацию и потримовку гражданскому дружтву, розписал штири наградни конкурси за школярох основних школох, у другей половки 2025. року.
У штирох конкурсох наградзени вкупно 12 авторе з найлєпшима роботами, односно по три найуспишнєйши роботи на каждим, а Клара Блаґоєвич наградзена у єдним з штирох конкурсох – за намальовани стрип на тему „Пририхтованя за Крачунˮ.
